top of page
搜尋
  • 作家相片TAXIGO

TAMA TAXI 漫春天

TAMA TAXI 的士古:漫春天
一對情侶,男的嚷著要回家,女的堅持去九龍塘,爭相不下,如何收場?

TAMA TAXI 漫春天

某個長假期前夕,午夜,沙田娛樂城,一對情侶上車,不發一言。

呆了幾秒,我主動問:去哪?

男人問女人,語帶晦氣:去邊呀?

女人相對冷靜得過分溫柔:你想去邊?

男人奇怪地不耐煩:咁返屋企!

車廂內,又靜得詭異。

返我屋企?我心忖,等待詳細地點。

女人打破沉默:司機你知唔知屋企喺邊?

我無奈地微笑。

男人說:大圍呀!

開車,一邊等待劇情發展。

男人開始躁:我都唔知你做乜,無端端話走,想去邊又唔講。

女人繼續用汪明荃在《創世紀》那種睿智的態度說:咁係咪我想去邊,就可以去邊?

男人:咁你想去邊撚度呀?

女人:司機,唔該九龍塘。

我想起劉嘉玲在《大內密探零零發》:你餓唔餓?煮個餐蛋麵你食好唔好?

我總認為這是化解吵架的最高修為,應該是沒有人可抵抗。

去乜撚嘢九龍塘啫!!!!男人怒吼。

晴天霹靂。我期待相擁而歡的畫面幻滅。

男人:去大圍!

女人:唔該,九龍塘吖。

男人:我話大圍呀!

女人:我想去九龍塘。

男人:你而家想點撚樣呀!

我舉手:會唔會係我車咗你返大圍,再車佢出九龍塘,咁呢?

女人笑,她不算美,但態度滿分。

男人:是撚但啦!

女人:唔好意思,去九龍塘先。

我微笑。

倒後鏡中的男人像一枚啞彈,大概他準備了千噸火藥,遇著無意吵罵的對手,爆不來,硬食,心有不甘。

獅子山公路,峰迴路轉。

女人:頭先你全程昅住阿 May。

男人:你就係為咗呢樣嘢嗌走呀?我講咗好撚多次我同佢無嘢㗎囉!

女人:我知。

男人:咁你仲發乜撚嘢神經呀?

女人:咁我見你昅得咁辛苦,又無得搞,我幫你出火得唔得?

男人:你講乜撚嘢呀響度?

收費亭。

女人:男人鍾意昅女,好平常。但你下次可唔可以睇吓環境,我人又響度,阿May我又識嘅。我都留意到你昅佢,你覺得其他人睇唔睇得出?

精采。男人語塞。

女人:我而家仲可以咁樣態度同你講,即係我知道你哋係無嘢。但如果你成晚昅住人對波,而家又話唔同我搞,咁你係咪想話畀我知,你想同佢搞都唔同我搞?

高手。

九龍塘。

我舉手:想去邊間?

女人:你話啦,我無所謂。

如果這刻車廂內只有我和她,這樣的對話,不得了.......

男人:我都話我唔想搞囉,返屋企啦!

女人:而家係我想屌屄喎!

靜.......

漫春天。

車停了,女人等待男人落車。

敵不動,我不動。

男人:都話.....

我舉手:不如我講幾句。

六目交投。

我:嗱,咁樣,我覺得你女朋友真係無得頂,咁嘅情況仲主動同你爆房,真係奇才,如果你咁都唔畀面,係嘥嘢。

女人笑:司機睇你都識啲嘢喎。

我:咁啦,我響出面等你十分鐘,如果你哋都係出返嚟,即係搞唔成,我車你返大圍,不另收費。

男人下車,女人付車資,然後,我們仨,六隻腳,進了酒店。

男人:你跟埋嚟做乜撚嘢?

我:唔好誤會,你哋爆房,我嚟收錢。

男人:收乜撚嘢錢呀?

的士佬載客九龍塘,有廿蚊水腳費。

步出酒店,頭也不回,開車絕塵。

你唔係真係以為我會等十分鐘嘛?

眼睛在找尋下一個客,腦海揮之不去是那句:而家係我想屌屄喎!

繼煮個餐蛋麵你食後,又一無反抗能力的金句,溫柔地出自女人口,天下無敵。


TAMA TAXI

20180130

3 次查看0 則留言

最新文章

查看全部

Comments


bottom of page