車又乾淨無異味，咁多位司機又友善又唔會趕住落車。
呢段期間出行最安心。最近叫車都即叫即有，有好亦有唔好。大家加油！
影完張相已除埋帽，欣賞下沿途窗外風景。
Kiara Tsui
TAMA TAXI 苦主大聯盟 4.0
TAMA TAXI？不了……
每次有人提起 TAMA TAXI，總有人搶住回應：TAMA TAXI？不了……再列舉罪名諸如「人血饅頭」、「邪教」、「搞小圈子」、「走火入魔」……前成員甚至在有 7.7 萬人 follow 嘅 fb group 三度開帖，以「TAMA TAXI 苦主大聯盟」為主題，申訴在 TAMA TAXI 的不平對待及遭遇……
仆佢個街，TAMA TAXI 點只咁少話題？要講，講幾年都講唔完，尤其個台長，正一邪教教主、昏君、應該掟落皇后像廣場鞭屍。為咗唔好畀佢停，TAMA TAXI 官網開場，首先延續呢個「「苦主大聯盟 4.0」清算 TAMA TAXI 罪行，精選網絡搜刮返嚟嘅批評，畀大家睇清楚 TAMA TAXI 真面目，版位有限，更多批評請留意動態更新。
真·網上預約 TAMA TAXI
除咗樓上有排數嘅負評，TAMA TAXI 最多人詬病係難 Call！
最高紀錄有人三個鐘先 Call 到，Recall 10 次大有人在、Recall 3、4 次係常事，Tamaian 都係黐線嘅。
即時 Call 唔到，都唔放棄，好多 Tamaian 就想預約，7 點約定 8 點、上晝約定下晝、今日約定聽日、一月約定三月、包起成架用……五大素球，乜 Q 都有。預約表面簡單，行政安排複雜，無論點都要用人手處理，但有素球，就要有回應。
隨住 TAMA TAXI 官網上線，可以減省一啲處理程序，正式提供預約服務滿足 Tamaian。
係咪好高興？好興奮？但預約服務係要額外畀啲錢嘅。
吓？要錢？係呀！因為我哋都要畀錢買好多技術同服務，佢哋都要收我哋錢囉，正人血饅頭……
而呢啲額外行政費部分係會分返畀司機，補償佢哋因安排預約而之前一段時間做唔到其他生意嘅損失。
不過點講都係唔公道㗎嘞，有乜理由載客嘅係司機，但個台要收錢？
明就明啦，規矩係咁，睇吓有咩預約需要，隨便揀。