谷鳩氣
獅子山公路，街客往威爾斯。
小瀝源出口，無人駕駛彈支馬鞍山出九龍，可等 30 分鐘。
放低街客，撳 order，車頭已指向馬鞍山。
飛至沙田醫院對出，客來電。
我搶白：5 分鐘到。
客：但我最快要 15 分鐘。
我：等你。
到上車點，小休、發呆。
15 分鐘，客捧著大袋上車。
客：唔好意思，我無預咁快有車.....
我：我明白，先揀份聖誕禮物，曲奇？Cup cake？
客：嘩，仲有禮物......
我：Merry Christmas.
倦，沿路無話，大老山直出九龍。
到埗，車資連隧道 $120.7。
我：多謝 $120。
客遞上 $130。
我退回 $10。
客：唔使呀！唔使呀！你等咗我咁耐......當禮物錢啦！
我：又唔係我買，客送畀你哋，我慷他人之慨。
客落車：是但啦......
閂門，繼續遊走碰運氣。
過了一陣，WhatsApp 傳來陌生訊息。
對方：師傅，頭先馬鞍山返嚟XXX $120，係咪唔記得收隧道費？應該 $120＋$20？
原來係頭先馬鞍山個客。
我：計ed。
客：係唔係吖？唔好呃我喎。我以前坐過，好似起碼要 $11X
我：減咗價吖嘛，係咪好高興呢？
已讀不回。
等了半個鐘，依然不回。
我：激死咗？
客貼圖回覆：谷鳩氣！
我：
客：你畀返個付款方法我啦？唔該你啦........
我已讀不回。
.................
我以為，做街客，先多嘢寫。
而家，大家係咪專登畀啲材料我寫？
真可愛。
XDDDD
==============
原作者：的士高
刊載處：的士夠格
↻↺↻↺↻↺↻↺
已出之文，如已播之種，有其生命，我不阻止它如何發展，但請尊重生命，轉貼請勿刪此信息。